महापालिका कामकाजात उर्दूचा वापर न केल्यास समाजवादी पक्ष रस्त्यावर उतरणार

महापालिका कामकाजात उर्दूचा वापर न केल्यास समाजवादी पक्ष रस्त्यावर उतरणार ! - अबू आझमी
08-08-2008

मुंबई, ८ ऑगस्ट (वार्ता.) - महापालिका मुख्यालयातील समाजवादी पक्षाच्या कार्यालयावरील लावलेला उर्दू भाषेतील नामफलक हटवण्यावर कारवाई कारण्यात यावी. पालिका कामकाजात मराठी व हिंदी पाठोपाठ उर्दूचा वापर करावा. रस्ते व चौक यांतील नामफलक व बस रेल्वेवर उर्दूचा वापर करण्यात यावा. उर्दूला प्राधान्य न दिल्यास समाजवादी पक्ष रस्त्यावर उतरून आंदोलन करेल, असा इशारा समाजवादी पक्षाचे प्रदेशध्यक्ष अबू अजमी यांनी आज दिला.
(महाराष्ट्राचे इस्लामीकरण करण्यास निघालेले मराठीद्वेष्टे अबू आझमी ! - संपादक) अबू आझमी यांनी पलिका कामकाजात उर्दूचा वापर करण्यात यावा, यासाठी काल पालिका मुख्यालयात पालिकेचे आयुक्‍त डॉ. जयराज फाटक यांची भेट घेतली.
...तर अबू आझमी यांनी पाकिस्तानात जावे - मनसे
मुंबईत रहाणार्‍याला मराठी भाषा यायलाच हवी. अबू आझमींना उर्दू भाषेचा पुळका असेल, तर त्यांनी पाकिस्तानात जावे. मुंबईत मराठीलाच प्रधान्य राहील. मराठीतच नामफलक रहातील, असे उत्तर महाराष्ट्र नवनिर्माण सेनेचे पालिका गटनेते श्री. राजेंद्र राड यांनी अबू आझमी यांनी पत्रकारांमार्फत दिले.